ថ្មីៗនេះលោក ផូ សុផេន បានតំឡើងជានាយកសាខានៅ មជ្ឈមណ្ឌលភាសា អេ អាយ អាយ សាខាជ្រោយចង្វារ ដែលជា មជ្ឈមណ្ឌលអប់រំឈានមុខគេ និងប្រកបដោយភាពច្នៃប្រឌិតមួយ នៅក្នុងប្រទេសកម្ពុជា ដែលមជ្ឈមណ្ឌលអប់រំមួយនេះផ្តោតសំខាន់លើ គុណភាព វិន័យ និង សេវាកម្ម។
លោក ផូ សុផេន បានចាប់ផ្តើមអាជីពរបស់ខ្លួនក្នុងវិស័យអប់រំនៅឆ្នាំ ២០០០ និងនៅមជ្ឈមណ្ឌលភាសា អេ អាយ អាយ នៅខែកញ្ញា ឆ្នាំ២០០៨ ជាគ្រូបង្រៀនភាសាអង់គ្លេសពេញម៉ោង។ តាមរយៈការខិតខំប្រឹងប្រែង ការយកចិត្តទុកដាក់អស់ពីកម្លាំងកាយចិត្ត ភាពរោះរាយរាក់ទាក់ ភាពប្រុងប្រយ័ត្ន និងបទពិសោធន៍ លោក ផូ សុផេន ត្រូវបានតំឡើងឋានៈជា ប្រធានគ្រូបង្រៀននៅឆ្នាំ ២០១៤ និងបន្ទាប់មកជាជំនួយការនាយកកិច្ចការសិស្សនៅឆ្នាំ២០១៥។
លោក ផូ សុផេន បានទទួលបរិញ្ញាបត្រផ្នែកអប់រំក្នុងការបង្រៀនភាសាអង់គ្លេសជាភាសាបរទេស ពីសាកលវិទ្យាល័យកម្ពុជា។